Category: ఫోటో గ్యాలరీ

అమెరికాలోని ప్రముఖ తెలుగు సంస్థ తానా ఆద్వర్యంలో గత నలభై సంవత్సరాల నుండి మిలియన్ల డాలర్ల వెచ్చించి పలు సామాజిక సేవా కార్యక్రమాలు పెద్ద ఎత్తున నిర్వహించారు. ఈ సేవా కార్యక్రమాలు అన్ని తాత్కాలికమైనవే. ఈ ఖర్చు తాలూకు ఆనవాళ్ళు ఎక్కడా కనిపించవు. ఇటీవలే తానా నిధులతో ఒక శాశ్వత కార్యక్రమానికి శ్రీకారం చుట్టారు. కర్నూలు జిల్లాలో ‘కప్పట్రాళ్ళ’ ప్యాక్షన్ గొడవలకు ఒకప్పుడు పెట్టింది పేరు. ప్రతినిత్యం గ్రామంలోని ఇరువర్గాల మధ్య కక్షలు పరి విప్పి గొడవలు, ఘర్షణలు జరుగుతూ ఉండేవి. గ్రామానికి చెందిన ప్రముఖ ప్యాక్షన్ లీడర్ కప్పట్రాళ్ళ వెంకటప్పనాయుడు ఆయన సమీప బంధువుల మధ్య తరచూ ఘర్షణలు చెలరేగి హత్యలు జరిగేవి. వీరితో రెండు కుటుంబాలు చాలా వరకు చిన్నాభిన్నమయ్యాయి. ఇదంతా ఒకప్పటి మాట. కర్నూలు జిల్లాకు ఎస్పీగా వచ్చిన ఆకే రవికృష్ణ కప్పట్రాళ్ళ గ్రామాన్ని దత్తత తీసుకుని ఆ గ్రామంలో ముందుగా ఘర్షణలు లేకుండా ఇరువర్గాల మధ్య సఖ్యత చేకూర్చారు. అభివృద్ధి కార్యక్రమాల పై దృష్టి పెట్టారు.
**’తానా’ తోడూ… నీడగా ..
కర్నూలుకు చెందిన ‘తానా’ కోశాధికారి పొట్లూరి రవి చూపు కప్పట్రాళ్ళ గ్రామం పై నిలచింది. తానా సహకారంతో ఆ గ్రామంలో అభివృద్ధి కార్యక్రమాలను చేపట్టారు. ఆ గ్రామంలో ఉన్న ఉన్నత పాటశాలలను అభివృద్ధి చేయటంలో పొట్లూరి రవి కీలక పాత్ర పోషించారు. అనంతరం విద్యార్ధులతో పాటు మహిళలకు కూడా ఉపాధి చూపించాలని భావించారు. గ్రామంలో విశాలమైన స్థలంలో ప్రధాన రహదారి పక్కనే మహిళల కోసం 45 లక్షల వ్యయంతో స్త్రీ శక్తి భవనాన్ని నిర్మించారు. ఈ భవనంలో కప్పట్రాళ్ళ గ్రామంలో ఉన్న మహిళలకు ఉపాధి అవకాశాల కోసం శిక్షణ ఇస్తారు.
**అట్టహాసంగా ప్రారంభోత్సవం
తానా చైతన్య స్రవంతిలో భాగంగా ఆఖరి కార్యక్రమంలో, కప్పట్రాళ్ళ గ్రామంలో ఈ భవనం ప్రారంభోత్సవం ఉప ముఖ్యమంత్రి కేఈ కృష్ణమూర్తి చేతుల మీదుగా జరిపించారు. అనంతరం నిర్వహించిన సంక్రాంతి సంబరాలకు ఆ గ్రామ ప్రజలు పెద్ద సంఖ్యలో తరలివచ్చారు. తానా ఆద్వర్యంలో కప్పట్రాళ్ళ గ్రామంలో చేపడుతున్న అభివృద్ధి కార్యక్రమాలకు ఆ గ్రామ ప్రజలు కృతజ్ఞతలు తెలిపారు. కర్నూలు ఎస్పీగా పని చేసి కప్పట్రాళ్ళ గ్రామ అభివృద్ధి పై దృష్టి పెట్టిన ఆకే రవికృష్ణ ఈ కార్యక్రమానికి ముఖ్య అతిధిగా కుటుంబంతో సహా తరలివచ్చారు. తానా అద్యక్షుడు వేమన సతీష్ తదితర బృందాన్ని ఆయన మనస్పూర్తిగా అభినందించారు. సినిమా గాయని సునీత ఈ కార్యక్రమానికి ప్రధాన ఆకర్షణగా నిలిచారు. తానా ప్రతినిధులు పొట్లూరి రవి, దేవినేని లక్ష్మి, కొడాలి నరేన్ , బత్తిన రాకేశ్ సోదరులు, TNI డైరెక్టర్ కిలారు ముద్దుకృష్ణ, తానా స్థానిక కోఆర్డినేటర్లు పుట్టా రాజశేఖర్, గారపాటి ప్రసాద్, స్థానిక ప్రజాప్రతినిధులు ఈ కార్యక్రమానికి హాజరయ్యారు. మిమిక్రీ రమేష్ వ్యాఖ్యాతగా వ్యవహరించారు. అనంతరం తానా బృందానికి పార్లమెంట్ సభ్యులు, ప్రముఖ పారిశ్రామిక వేత్త, టీ.జీ.వెంకటేష్ విందు ఇచ్చారు.
**తానా తోలి భవనం ఇదే.
తానా చరిత్రలో స్వంతంగా, భారీగా నిధులు ఖర్చు చేసి కప్పట్రాళ్ళలో నిర్మించిన శాశ్వత భవనం ఇదే. ఈ భవనాన్ని నిర్మించడానికి కప్పట్రాళ్ళ గ్రామ అభివృద్దికి నడుం బిగించిన తానా కోశాధికారి పొట్లూరి రవి అభినందనీయుడు. ఇక నుండి తానా ఆద్వర్యంలో చేపట్టే కార్యక్రమం ప్రజల గుండెల్లో శాశ్వతంగా నిలిచేదిగా ఉండాలని ఈ భవన నిర్మాణం నిరూపిస్తుంది. ఈ దిశగా తానా కార్యవర్గం అడుగులు వేయాలి. కప్పట్రాళ్ళ గ్రామంలో జరిగిన అభివృద్దిని ప్రతి తానా సభ్యుడు స్వస్థలానికి వచ్చినప్పుడు ఆ గ్రామానికి వెళ్లి తిలకిస్తే మంచి అనుభూతి కలుగుతుంది అనటంలో సందేహం లేదు. తానా సీనియర్ నాయకురాలు దేవినేని లక్ష్మి మాట్లాడుతూ ఇక నుండి తాను ఇండియా వచ్చినప్పుడల్లా కప్పట్రాళ్ళ వస్తానని, ఈగ్రామ అభివృద్దికి తనతో పాటు తానా సభ్యులను భాగస్వామ్యం చేస్తానని ప్రకటించడం గమనార్హం.

అమెరికాలోనే కాదు.. ఆంధ్రాలో కూడా రాంచౌదరి… వేమన సతీష్ ను నడిపిస్తూ ఉంటాడని అందరూ అనుకుంటూ ఉంటారు. రాముడికి హనుమంతుడి లాగా వేమన సతీష్ కు వెన్నంటే ఉంటాడు. వీరిద్దరిని విడదీయరాని బంధం. రాంచౌదరి స్వస్థలం పుల్లడిగుంటలో వీరి అనుబంధం మరోసారి రుజువైంది. రాం చౌదరి వర్జీనియాలో ఉండి వేమన సతీష్ చేత పుల్లడిగుంటలో చిందులు వేయించాడు. రైతుగా మార్చి సతీష్ చేత అరక పట్టించాడు. తలగుడ్డ చుట్టించి ఎడ్లబండి పై ఉరేగించాడు. ఇది స్నేహం అంటే! తానా చైతన్య స్రవంతిలో భాగంగా గురువారం నాడు రాంచౌదరి స్వగ్రామం పుల్లడిగుంటలో సందడి ఏర్పడింది. రైతుకోసం కార్యక్రమంలో భాగంగా రైతులకు కిట్లను పంపిణీ చేశారు. ఆగ్రామంలో ఉన్న పేదప్రజలకు నిత్యావసర సరుకులు పంపిణీ చేసారు. రాంచౌదరి తల్లి, జడ్పీటీసీ సభ్యురాలు సీతామహాలక్ష్మి ఏర్పాటు చేసిన కోలాటంలో వేమన సతీష్ చురుగ్గా పాల్గొని కోలాటం ఆడారు. మహిళా కమీషన్ చైర్ పర్సన్ నన్నపనేని రాజకుమారి కూడా కోలాటంలో సతీష్ తో కలిసి ఆడిపాడారు. అనంతరం అదే గ్రామంలో ఉన్న ప్రముఖ రైతు బాంధవుడు, ప్రకృతి వ్యవసాయదారుడు వై. వెంకటేశ్వరరావురైతు శిక్షణ కేంద్రానికి వెళ్లిన తానా బృందం అక్కడి ప్రకృతి వ్యవసాయ పద్దతులను తిలకించారు.ప్రకృతి వ్యవసాయానికి తానా తరపున సహకారాన్ని అందిస్తామని వేమన సతీష్ వెల్లడించారు. ఈ కార్యక్రమంలో తానా నేతలు పొట్లూరి రవి, సూరపనేని రాజా, నరేష్ కొడాలి, భాను తదితరులు పాల్గొన్నారు. మొత్తం మీద పుల్లడిగుంటలో తానా చైతన్య స్రవంతి ఆహ్లాదకరమైన వాతావరణంలో సందడిగా జరిగింది.

తానా ఆద్వర్యంలో చేపడుతున్న సామజిక సేవా కార్యక్రమాలు ప్రయోజనకరంగా ఉన్నాయని జడ్పీ చైర్ పర్సన్ గద్దె అనురాధ , ఎమ్మెల్యే వల్లభనేని వంశీ మోహన్ పేర్కొన్నారు. రైతు కోసం, మహిళా కోసం, చదువు కోసం, ఆరోగ్యం కోసం కార్యక్రమంలో భాగంగా మంగళవారం వీరవల్లిలో తానా ఆద్వర్యంలో రైతులకు రక్షణ కిట్లు, మహిళలలకు కుట్టు యంత్రాలు పంపిణీ చేశారు. గ్రామానికి చెందిన ప్రవాస భారతీయుడు కసుకుర్తి రాజా చొరవతో ఈ కార్యక్రమం నిర్వహించారు. వంశీ, అనురాధా ముఖ్య అతిధులుగా పాల్గొన్నారు. తానా అద్యక్షుడు వేమన సతీష్ అద్యక్షతన జడ్పీ ఉన్నత పాటశాల ఆవరణలో జరిగిన ఈ కర్యక్రమమ్లొఅ వంద మంది రైతులకు పొలాల్లో రసాయనాలు పిచికారి చేసే సమయంలో రక్షణగా ఉపయోగపడే వస్తువులు, ముప్పై మంది మహిళలకు కుట్టు యంత్రాలు అందజేశారు. సతీష్ మాట్లాడుతూ తానా ఆద్వర్యంలో ఇప్పటి వరకు దాదాపు రూ.1500 కోట్లతో సేవా కార్యక్రమాలు నిర్వహించామన్నారు. తెలుగు రాష్ట్రాల్లో ఇప్పటి వరకు ముప్పై వేలు రైతు రక్షణ కిట్లు పంపిణీ చేశామన్నారు. అంతకుముందు తానా ప్రతినిధులు ఎడ్లబండి పై సహకార సంఘం అద్యక్షుడు లంక సురేంద్ర నివాసం నుంచి ఊరేగింపుగా వచ్చారు. జడ్పీ పాటశాలలో ప్రవాస భారతీయురాలు నవీన సహకారంతో ఏర్పాటు చేసిన డిజిటల్ తరగతి గదిని ప్రారంభించారు. ఎంపీపీ తుమ్మల కోమలి, తానా ప్రధాన కార్యదర్శి లావు అంజయ్య చౌదరి , సభ్యులు పొట్లూరి రవి, కోట జానయ్య, జలవనరుల శాఖ అపెక్స్ కమిటీ సభ్యుడు ఆళ్ళ గోపాలకృష్ణ, న్యాయవాది దాత లింగమనేని రాజారావు, కలాపాల శ్రీధర్, గుండపనేని ఉమాప్రసాద్, పిల్లా రామారావు, అమృతవల్లి సూర్యనారాయణ, లింగమనేని చిన్ని తదితరులు పాల్గొన్నారు.వీరవల్లిలో ఘనంగా ‘తానా చైతన్య స్రవంతి’

ప్రపంచంలోనే పెద్ద తెలుగు సంఘంగా రూపుదిద్దుకున్న తెలుగు అసోసియేషన్ ఆఫ్ నార్త్ అమెరికా(తానా) లో ఎన్నికల సందడి కొద్ది రోజుల్లో ప్రారంభం కానుంది. ప్రస్తుతం తానా నేతలంతా ఉభయ తెలుగు రాష్ట్రాల్లో చైతన్య స్రవంతి పేరుతొ పలు సేవా కార్యక్రమాలు నిర్వహిస్తున్నారు. తానాలో ప్రధానమైన పదవులు నిర్వహిస్తున్న నేతలు చైతన్య స్రవంతి ద్వారా వారి స్వస్థలాల్లో తమ సత్తాను చాటుకుంటున్నారు. తానా అద్యక్షుడు వేమన సతీష్ రాజంపేటలో గత 5వ తేదీన తానా చైతన్య స్రవంతి పేరుతొ నిర్వహిచిన సభ ఒక మహానాడును తలపింపజేసింది. ఒకరకంగా తాను పుట్టిన రాజంపేట గడ్డపై తన సత్తా ఏమిటో సతీష్ చూపించాడు. తానా ద్వారా చేపట్టిన సేవా కార్యక్రమాల కన్నా రాజంపేట సదస్సులో ఏర్పాటు చేసిన ఆడంబరాలకు లక్షలాది రూపాయలు ఖర్చు చేశారు. రాజంపేట రాజకీయాల్లో వేమన సతీష్ ఇక నుండి చురుకైన పాత్ర పోషించడం కోసమే ఈ సదస్సు ద్వారా బల ప్రదర్శన చేశారని అందరూ భావిస్తున్నారు. తానా అద్యక్షుడిగా మరికొద్ది నెలల్లో బాద్యతలు చేపట్టబోతున్న తాళ్ళూరి జయశేఖర్ తన స్వంత జిల్లా ఖమ్మంతో పాటు కొత్తగూడెం, భద్రాచలంలోనూ భారీ ఎత్తున తానా చైతన్య స్రవంతి కార్యక్రమాలు ఘనంగా నిర్వహించారు. కొత్తగూడెంలో పెద్ద ఎత్తున 5కే రన్ నిర్వహించి రికార్డు నెలకొల్పారు. ఆ ప్రాంతాల్లో తనకున్న పలుకుబడిని తమ కుటుంబానికి ఉన్న ఆదరణను జయశేఖర్ నిరూపించారు. వచ్చే తానా ఎన్నికల్లో లావు అంజయ్య చౌదరి తానా అద్యక్ష పదవికి పోటీ పడుతున్నారు. కాలం కలసి వస్తే తానా అద్యక్ష పదవికి ఏకగ్రీవంగా ఎన్నిక కావాలని అంజయ్య పావులు కదుపుతున్నారు. దీని కోసం విజయవాడలో నిర్వహించిన తానా చైతన్య స్రవంతిని దిగ్విజయం చేసి తన స్వంత జిల్లాలో తనకున్న సత్తాను అంజయ్య చౌదరి చాటుకున్నారు. చాలా మంది ప్రజాప్రతినిధులను, పుర ప్రముఖులను ఈ కార్యక్రమానికి ఆహ్వానించి ఈ సభను జయప్రదం చేశారు. తానా కార్యదర్శిగా అనంతరం అద్యక్షుడిగా ఎన్నిక కావడం కోసం ప్రస్తుతం ఆ సంస్థ కోశాధికారిగా ఉన్న పొట్లూరి రవి బల ప్రదర్శనకు సిద్దమవుతున్నారు. వచ్చే 12వ తేదీన పొట్లూరి రవి ‘కప్పట్రాల’ గ్రామంలో ఏర్పాటు చేసే బలప్రదర్శన ఎలా ఉంటుందో వేచి చూద్దాం.

తానా ఆధ్వర్యంలో నిర్వహిస్తున్న చైతన్య స్రవంతిలో భాగంగా అధ్యక్షుడు వేమన సతీష్ స్వస్థలమైన రాజంపేటలో శనివారం నాడు ఓ భారీ కార్యక్రమన్ని ఏర్పాటు చేశారు. “ఎప్పటికీ అన్నమయ్య”, “రైతుకోసం తానా” అనే నినాదంతో ఈ కార్యక్రమాన్ని ఏర్పాటు చేశారు. తితిదే సహకారంతో దాదాపు 500మంది కళాకారులు రాజంపేట నుండి 5కిమీ దూరంలో ఉన్న అన్నమయ్య జన్మస్థలం తాళ్లపాకకు భారీ ప్రదర్శన నిర్వహించారు. ఈ సందర్భంగా పలు కళారూపాలను ప్రదర్శించారు. అనంతరం తాళ్లపాకలో ఉన్న 108 అడుగుల అన్నమయ్య విగ్రహం ఎదుట భారీ బహిరంగ సభను నిర్వహించారు. ఈ కార్యక్రమానికి మంత్రి సోమిరెడ్డి చంద్రమోహనరెడ్డి, ఎమ్మెల్సీలు పయ్యావుల కేశవ్, కత్తి నరసింహారెడ్డి, తెలంగాణా ఎమ్మెల్యే రసమయి బాలకిషన్, రాజంపేట ఎమ్మెల్యే మేడా మల్లికార్జునరెడ్డి, సినీనటుడు సునీల్, నాటక అకాడమీ చైర్మన్ గుమ్మడి గోపాలకృష్ణ, తానా సభల కన్వీనర్ డా.మూల్పూరి వెంకటరావు తదితరులు పాల్గొన్నారు. ప్రముఖ గాయనీమణులు కొండవీటి జ్యోతిర్మయి, ఉష, శోభారాజు, తితిదే-అన్నమాచార్య ప్రాజెక్టుకు చెందిన కళాకారులు పలు భక్తిగీతాలను ఆలపించారు. ఈ సందర్భంగా తానా అధ్యక్షుడు వేమన సతీష్ మాట్లాడుతూ తానా చరిత్రలో తొలిసారిగా రాయలసీమ ప్రాంతం నుండి అధ్యక్షుడిగా ఎన్నికయ్యే అవకాశం తనకు లభించిందని, తనకు లభించిన పదవి ద్వారా ఈ ప్రాంతంలో పలు సామాజిక సేవా కార్యక్రమాలు చేపడుతున్నట్లు తెలిపారు. పలువురు రైతులకు వ్యవసాయ కిట్లను అందజేశారు. తానా ప్రతినిధులు లావు అంజయ్య చౌదరి, నరేన్ కొడాలి, పొట్లూరి రవి, మందడపు రవి, బత్తిన రాకేష్-ప్రకాష్, సూరపనేని రాజా తదితరులు హాజరయ్యారు. ఈ సందర్భంగా నిర్వహించిన పలు సాంస్కృతిక ప్రదర్శనలు ప్రేక్షకులను ఆకట్టుకున్నాయి.

తానా ఆద్వర్యంలో నిర్వహిస్తున్న చైతన్య స్రవంతుల భాగంగా గుంటూరు జిల్లా సత్తెనపల్లిలో ‘రైతుకోసం’ కార్యక్రమాన్ని నిర్వహించారు. తానా ట్రస్టు బోర్డ్ అద్యక్షుడు కొండ్రగుంట చలపతి ఆద్వర్యంలో ఈ కార్యక్రమం జరిగింది. ఈ కార్యక్రమానికి స్థానిక శాసన సభ్యుడు, అసెంబ్లీ స్పీకర్ కోడెల శివప్రసాదరావు ముఖ్య అతిధిగా హాజరయ్యారు. 400మంది రైతులకు రైతు రక్షణ కిట్లను అందజేశారు. తానా కార్యదర్శి లావు అంజయ్య చౌదరి, తానా కో-ఆర్డినేటర్ (కెనడా)సూరపనేని లక్ష్మి నారాయణ, రైతుకోసం కమిటీ చైర్మన్ కోట జానయ్య తదితరులు ఈ కార్యక్రమంలో పాల్గొన్నారు.